«Բարսելոնայի» գլխավոր մարզիչ Հանս-Դիտեր Ֆլիկը «Վալյադոլիդի» դեմ խաղից (2-1) հետո հայտարարել է, որ «Ինտերի» դեմ Չեմպիոնների լիգայի կիսաեզրափակիչի պատասխան հանդիպմանը, իսկ դրանից հետո «Ռեալի» դեմ Լա լիգայի խաղում թիմի դարպասը կպաշտպանի Վոյցեխ Շչեսնին, հաղորդում է Ֆաբրիցիո Ռոմանոն:
«Վոյցեխ Շչեսնին կխաղա Չեմպիոնների լիգայում «Ինտերի» դեմ, իսկ դրանից հետո կխաղա նաև «Ռեալի» դեմ: Դա որոշված է:
Ես շատ ուրախ եմ, որ Տեր Շտեգենը հասանելի է»,- ասել է գերմանացի մասնագետը:
«Վալյադոլիդ» - «Բարսելոնա» խաղում կատալոնական ակումբի դարպասը պաշտպանում էր գերմանացի Մարկ-Անդրե տեր Շտեգենը, որը խաղադաշտ է վերադարձել վնասվածքով պայմանավորված երկարատև դադարից հետո:
Չեմպիոնների լիգայի կիսաեզրափակիչի «Ինտեր» - «Բարսելոնա» պատասխան խաղը (առաջին խաղը՝ 3-3) կկայանա մայիսի 6-ին (մեկնարկը՝ Երևանի ժամանակով 23:00-ին), իսկ Լա լիգայի 35-րդ տուրի «Բարսելոնա» - «Ռեալ Մադրիդ» խաղը՝ մայիսի 11-ին (մեկնարկը՝ Երևանի ժամանակով 18:15-ին): Երկու հանդիպումներն էլ կցուցադրվեն «Ֆասթ Սպորտ»-ի ուղիղ եթերում:
Կարդացեք նաև՝
- El Nacional. Յամալի կերպարը լարված մթնոլորտ է ստեղծել «Բարսելոնայի» հանդերձարանում
- «Աթլետիկոն» արտագնա խաղում միավորներ կորցրեց
- «Երբեք խնդիրներ չեմ ունեցել «Ռեալի» հետ և չեմ ունենա». Անչելոտիի հայտարարությունն ու «Ռեալի» հայտացուցակը
- As. «Ռեալը» դիտարկում է Տեո Էռնանդեսին վերադարձնելու տարբերակը
- The Athletic. «Ռեալը» բարձր աշխատավարձի պատճառով մտադիր է բաժանվել Ալաբայից
- Աղբյուր. Չավին կարող է գլխավորել «Ալ Հիլալը»
