Հայաստանի առաջատար մարմնամարզիկ Արթուր Դավթյանը մեդալ նվաճեց երկրորդ Օլիմպիական խաղերում անընդմեջ:
Փարիզում ընթացող 33-րդ ամառային Օլիմպիական խաղերի սպորտային մարմնամարզության հենացատկի վարժության եզրափակիչում 31-ամյա Դավթյանը վաստակեց 14,966 միավոր և դարձավ արծաթե մեդալակիր։
2021թ. Տոկիոյի Օլիմպիական խաղերի բրոնզե մեդալակիր, աշխարհի չեմպիոն, Եվրոպայի առաջնությունների կրկնակի ոսկե մեդալակիր, Եվրոպական խաղերի հաղթող Արթուր Դավթյանը զիջեց միայն ֆիլիպինցի Կառլոս Յուլոյին, որը հավաքեց 15,166 միավոր: Բրոնզե մեդալակիր դարձավ Մեծ Բրիտանիայի ներկայացուցիչ Հարի Հեփուորթը (14,949)։
Հիշեցնենք, որ որակավորման փուլում Արթուր Դավթյանը երկու ցատկերի հանրագումարում վաստակել էր 14,666 միավոր և գրավել 7-րդ տեղը: Նա 4-րդ անգամ մասնակցեց Օլիմպիական խաղերին:
Հայաստանը Փարիզի Օլիմպիական խաղերում նվաճեց առաջին մեդալը և ընդհանուր հաշվարկում բարձրացավ 50-րդ տեղ։
Հիշեցնենք, որ օգոստոսի 4-ին մրցելույթն ավարտել է նաև Փարիզի-2024-ի մարմնամարզության տղամարդկանց պայքարում ավագագույն մասնակից Վահագն Դավթյանը, որն օղակների վարժությունում 14,866 միավորով գրավել էր 6-րդ տեղը:
Օլիմպիական խաղերում Հայաստանի ներկայացուցիչներից ավելի վաղ պայքարն ավարտել էին նաև լողորդներ Վարսենիկ Մանուչարյանը, Արթուր Բարսեղյանը, հրաձիգ Էլմիրա Կարապետյանը, որոնք չէին կարողացել հաղթահարել որակավորման փուլը, իսկ բռնցքամարտիկ Դավիթ Չալոյանը (+92 կգ) հաղթանակով մեկնարկելուց հետո պարտվել էր քառորդ եզրափակիչում:
Փարիզ-2024․ Հայաստանի մարզիկների մրցելույթների ժամանակացույցը
#ArtisticGymnastics Men's Vault final at the #Paris2024 #Olympics:
— FIG (@gymnastics) August 4, 2024
🥇 Carlos Yulo 🇵🇭 15.116
🥈 Artur Davtyan 🇦🇲 14.966
🥉 Harry Hepworth 🇬🇧 14.949
Congratulations to Carlos Yulo, the new Olympic champion on Men's Vault AND Floor Exercise! 🥇🥇 pic.twitter.com/d6d5hTZ2TD
