«Օքլենդ Սիթիի» խաղացողները լրիվ դրույքով պրոֆեսիոնալներ չեն, և շատերն ամենամյա արձակուրդ են վերցրել՝ մասնակցելու աշխարհի ակումբային առաջնությանը, որտեղ նրանք կհանդիպեն այն խմբի հետ, որը մարզիչ Պոլ Պոսան անվանում է «ամենադժվարը», գրում է «Ռոյթերս» լրատվական գործակալությունը:
Նոր Զելանդիայի չեմպիոնները հունիսի 15-ին կհանդիպեն Մյունխենի «Բավարիայի» հետ: Աշխարհի ակումբային առաջնությունում նրանք ընդգրկված են C խմբում: Մրցակիցների թվում են նաև «Բենֆիկան» ու «Բոկա Խունիորսը»:
«Հավանաբար ամենադժվար խումբն է, որը կարող էինք ընտրել: Մեր մրցակիցների թվում են եվրոպական երկու հզոր թիմեր՝ «Բավարիան» ու «Բենֆիկան», նաև Արգենտինայից «Բոկա Խունիորսը», որը նույնպես ունակ է մինչև վերջ գնալուն»,- ասել է Պոսան գործակալության հետ զրույցում:
Ամենամյա արձակուրդ՝ ԱԱԱ-ին մասնակցելու համար
«Օքլենդ Սիթիի» խաղացողները պրոֆեսիոնալ են կես դրույքով: Նրանք ունեն իրենց աշխատավայրերը, մի շարք խաղացողներ ամենամյա արձակուրդ են վերցրել իրենց աշխատանքի վայրերից, որպեսզի կարողանան մասնակցել աշխարհի ակումբային առաջնությանը:
«Բոլոր խաղացողներն էլ, իրենց ֆուտբոլային պարտավորություններից բացի, այլ աշխատանքներ ունեն: Այնուամենայնիվ, նրանք արտակարգ նվիրվածություն ունեն ֆուտբոլին իրենց աշխատանքային ժամերից դուրս։
Ֆուտբոլիստները ստիպված են եղել ամենամյա արձակուրդ վերցնել իրենց աշխատանքի վայրերից՝ մրցաշարին մասնակցելու համար»,- խոստովանել է Պոսան:
Մոտիվացիա
«Թիմի շուրջ տիրող մշակույթն այնպիսին է, որ նրանք միշտ ցանկանում են հաղթել, և նրանց մոտիվացնելը բացարձակ խնդիր չէ»,- եզրափակել է «Օքլենդ Սիթիի» մարզիչը:
«Օքլենդ Սիթիի» խաղացանկն ԱԱԱ-ի խմբային փուլում
«Բավարիա» - «Օքլենդ Սիթի», 15.06.2025թ., ժ.՝ 20:00
«Բենֆիկա» - «Օքլենդ Սիթի», 20.06.2025թ., ժ.՝ 20:00
«Օքլենդ Սիթի» - «Բոկա Խունիորս», 24.06.2025թ., ժ.՝ 23:00
Կարդացեք նաև՝
- Daily Mail. ԱԱԱ-ի ժամանակ ՖԻՖԱ-ն կփոխի որոշ երկրպագուների տեղերը՝ անշլագ տրիբունաների տպավորություն ստեղծելու համար
- Ռոբի Ուիլյամսի հեղինակած հիմնը կհնչի ՖԻՖԱ-ի բոլոր մրցաշարերի խաղերից առաջ
- Մեսի. «Լավագույն ֆուտբոլիստների խաղը տեսնելու հիանալի հնարավորություն է»
- ANSA. Մեհդի Թարեմին չի կարողացել Իրանից մեկնել ԱՄՆ
- ԱԱԱ. Առաջին տուրի բոլոր հանդիպումների ժամանակացույցը
