UFC-ի նախագահ Դանա Ուայթը հաստատել է, որ Արման Ծառուկյանի և Դեն Հուկերի մենամարտի հաղթողը կպայքարի թեթև քաշային կարգի գոտու համար:
UFC 320-ից հետո կայացած ասուլիսին լրագրողներից մեկն Ուայթին հարցրել է. «Ծառուկյան - Հուկեր մենամարտի հաղթողը հաջորդ մենամարտում տիտղոսի հավակնորդ կլինի՞»: Ուայթն էլ պատասխանել է` «Այո՛, այդպես կլինի»:
Հայ և նորզելանդացի մարտիկների մենամարտը կլինի նոյեմբերի 22-ին Կատարի մայրաքաղաք Դոհայում կայանալիք UFC-ի հերթական մրցաշարի գլխավոր իրադարձությունը: 28-ամյա Ծառուկյանը թեթև քաշային կարգի երկրորդ համարն է, իսկ Հուկերը` 6-րդ:
Հիշեցնենք, որ թեթև քաշային կարգի չեմպիոնը վրացի Իլյա Տոպուրիան է:
UFC-ի մրցաշարերը ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր մենամարտերը հեռարձակվում են Fast TV հավելվածում (iOS, Android):
Կարդացեք նաև`
