Ֆուտբոլի Հայաստանի ազգային հավաքականը Նիկշիչ քաղաքի «Գրադսկի» ստադիոնում ընկերական հանդիպում է անցկացնում Չեռնոգորիայի թիմի դեմ, և առաջին խաղակեսի 14-րդ րոպեի դրությամբ հաշիվը 1-1 է:
Հայաստանի հավաքականը 24-րդ վայրկյանին, օգտվելով մրցակցի դարպասապահի սխալ փոխանցումից, բացեց հաշիվը: Ռուսական «Կրասնոդարի» ավագ Էդուարդ Սպերցյանը խլեց գնդակը, փոխանցեց խաղընկերոջը, իսկ հետո եզրափակեց գրոհը դարպասի գրավմամբ:
5-րդ րոպեին տանտերերը պատասխանեցին Վասիլյե Աջիչի գոլով:
Չեռնոգորիա - Հայաստան հանդիպումը հեռարձակվում է «Ֆասթ Սպորտ»-ով:
Հայաստանի ազգային հավաքականը հունիսի 6-ին Պրիշտինայում ընկերական խաղ էր անցկացրել Կոսովոյի թիմի դեմ և պարտվել 2-5 հաշվով:
