Ջանլուիջի Դոնարումայի գործակալ Էնցո Ռայոլան մեկնաբանել է դարպասապահին կազմից հեռացնելու ՊՍԺ-ի որոշումը, հաղորդում է Sky Sport Italia-ն:
«Ես կարող եմ հասկանալ նոր դարպասապահ հրավիրելու որոշումը, բայց այսպես ձերբազատվել Դոնարումայից, երբ նա այդքան բան է արել ակումբի համար, համարում եմ հարգանքի բացակայություն:
Նշանակություն չունի, որ որոշումը կայացրել է մարզիչը. նա աշխատում է ակումբի համար: Մենք իրավաբանների հետ կգնահատենք իրավիճակը»,- ասել է իտալացին:
Ավելի վաղ փարիզյան թիմի գլխավոր մարզիչ Լուիս Էնրիկեն բացատրել էր որոշումը, իսկ Ջանլուիջի Դոնարուման սոցցանցերում կատարած գրառումով անդրադարձել էր իրավիճակին:
