Հայաստանի ազգային հավաքականի ու «Կրասնոդարի» կիսապաշտպան Էդուարդ Սպերցյանը հայտնվել է եվրոպական մի շարք գրանդ ակումբների ուշադրության կենտրոնում, բրիտանական Goal-ի հաղորդմամբ՝ գրել է Tutto Atalanta-ն՝ հղում կատարելով L'Eco di Bergamo-ին։

25-ամյա ֆուտբոլիստի ծառայություններով հետաքրքրված է «Մանչեսթեր Յունայթեդը»։ Մանկունիական գրանդում Սպերցյանին դիտարկում են` որպես թիմի ավագ Բրունու Ֆեռնանդեշին փոխարինող։

Պորտուգալացի ֆուտբոլիստը, չնայած մերժել է կարիերան Սաուդյան Արաբիայում շարունակելու առաջարկը, ամառային տրանսֆերային պատուհանի ժամանակ կարող է հեռանալ ակումբից։

Այդուհանդերձ, Սպերցյանի համար մղվող պայքարում «Մանչեսթեր Յունայթեդը» ստիպված կլինի առաջ անցնել ՊՍԺ-ից, «Ատալանտայից», «Բրենթֆորդից» և «Այաքսից»։ Այս ակումբները նույնպես պատրաստ են ձեռք բերել հայ կիսապաշտպանին։

Մասնավորապես «Այաքսն» այժմ Սպերցյանի տրանսֆերային իրավունքը գնելու ֆավորիտն է։

Կարդացեք նաև՝

• Աղբյուր. Ավետ Կասպարովը վարձավճարով հանդես կգա Լիբերեցի «Սլովանում»
• Աղբյուր. Դավիդ Դավիդյանը կարիերան կշարունակի Ռուսաստանում
• Արմեն Հովհաննիսյանը մարզվում է մոլդովական ակումբի կազմում
• Սերոբյանի ասիստը նոր մրցաշրջանի առաջին խաղում