Պորտուգալիայի հավաքականի պաշտպան Ռուբեն Դիաշը Հայաստանի հավաքականի դեմ ԱԱ-2026-ի որակավորման փուլի հանդիպմանը նախորդած ասուլիսի ընթացքում խոսել է առաջիկա հանդիպման մասին:

«Ուսումնասիրել ենք Հայաստանի հավաքականին, և մի բան կարող եմ ասել՝ Հայաստանը որակյալ թիմ ունի՝ ամուր պաշտպանությամբ, կարողանում է նաև վտանգավոր հակագրոհներ ձեռնարկել: Ես նաև գիտեմ, որ մեր առաջիկա մրցակցի կազմում խաղում են ֆուտբոլիստներ, որոնք փայլուն անհատական որակներ ունեն: Մենք պատրաստ ենք առաջիկա հանդիպմանը: 

Ժոտայի վերաբերյալ ցանկացած հարգանքի տուրք ինձ փշաքաղեցնում է: Հաճելի է տեսնել, որ ամբողջ աշխարհում նման վերաբերմունք են ցուցաբերում», - նշել է «Մանչեսթեր Սիթիի» ֆուտբոլիստը:

Աշխարհի 2026 թվականի առաջնության եվրոպական գոտու ընտրական մրցաշարի F խմբի առաջին տուրի Հայաստան - Պորտուգալիա խաղը տեղի կունենա սեպտեմբերի 6-ին Երևանի` Վազգեն Սարգսյանի անվան «Հանրապետական» ստադիոնում, ժամը 19:45-ից կցուցադրվի «Ֆասթ Սպորտ»-ի ուղիղ եթերում և Fast TV հավելվածում (iOS, Android):

Կարդացեք նաև՝

• Մարտինես. «Հայաստանի դեմ խաղը լուրջ մարտահրավեր է»
• Սպերցյան. «Հավաքականից ստացած յուրաքանչյուր հրավեր մեծ պատիվ է»
• Մելիքյան. «Պորտուգալիան լավագույններից է Եվրոպայում, բայց մենք մեր ծրագիրն ունենք»