Տոլյատիի «Ակրոնի» հարձակվող Արտյոմ Ձյուբան ընկերական խաղում գրավել է Գրենադայի թիմի դարպասը ու դարձել Ռուսաստանի հավաքականի գլխավոր ռմբարկու։
36-ամյա ֆուտբոլիստն ազգային թիմում գոլերի քանակը հասցրել է 31-ի ու շրջանցել Սանկտ Պետերբուրգի «Զենիթի» և «Սևիլիայի» նախկին հարձակվող Ալեքսանդր Կերժակովին։
Ձյուբան հավաքականում անցկացրել է 57-րդ հանդիպումը, նա նաև կատարել է 15 ասիստ։
Հիշեցնենք, Ձյուբան օրեր առաջ խփել էր կարիերայի 234-րդ գոլն ու գերազանցել Կերժակովի ևս մեկ տպավորիչ ռեկորդ` դառնալով գլխավոր ռմբարկուն ռուսական ֆուտբոլի պատմության մեջ։
