Իտալացի Կառլո Անչելոտին մրցաշրջանի ավարտին կհեռանա Մադրիդի «Ռեալից» և կգլխավորի Բրազիլիայի ազգային հավաքականը, հաղորդում է Բրազիլիայի ֆուտբոլի կոնֆեդերացիան:
65-ամյա մասնագետն աշխարհի 5-ակի չեմպիոնների ղեկին աշխատանքը կսկսի հունիսից, հավաքականը կգլխավորի մինչև աշխարհի 2026 թվականի առաջնությունը ներառյալ:
«Կառլո Անչելոտիին Բրազիլիայի հավաքականը գլխավորելու համար հրավիրելն ավելին է, քան պարզապես ռազմավարական քայլ։ Սա աշխարհին ուղղված հայտարարություն է։ Անչելոտին մեծագույն մարզիչն է պատմության մեջ, և այժմ նա գլխավորում է մոլորակի մեծագույն ազգային հավաքականը։ Միասին մենք նոր փառահեղ գլուխներ կգրենք բրազիլական ֆուտբոլի համար», - ասել է Բրազիլիայի ֆուտբոլի կոնֆեդերացիայի նախագահ Էդնալդո Ռոդրիգեսը։
Ավելի վաղ հանրահայտ ինսայդեր Ֆաբրիցիո Ռոմանոն գրել է, որ իսպանացի Չաբի Ալոնսոն «Ռեալում» կփոխարինի Անչելոտիին:
