«Ռեալի» գլխավոր մարզիչ Կառլո Անչելոտին խոսել է «Աթլետիկոյի» դեմ Մադրիդյան դերբիում գրանցված ոչ-ոքիի մասին (1-1), հաղորդում է Managing Madrid-ը:
«Երկրորդ խաղակեսում մենք լիովին վերահսկում էինք խաղը: Առաջին խաղակեսը տարբերվում էր, շատ ավելի դանդաղ էր տեմպը: 11-մետրանոցի նշանակումն ազդեց թիմի վրա, չեմ ցանկանում խոսել մրցավարի մասին:
Երկրորդ խաղակեսում Վինին ու Ռոդրիգոն շատ վտանգավոր պահեր ստեղծեցին: Թիմը լավն էր, բոլորն իրենց զոհաբերեցին: Մոտ էինք հաղթանակին:
Պետք է երջանիկ լինենք. ծանր շաբաթվանից հետո մենք շարունակում ենք գլխավորել աղյուսակը»,- ասել է իտալացի մասնագետը:
Կառլո Անչելոտիի գլխավորած թիմը 50 միավորով Լա լիգայի առաջատարն է, Դիեգո Սիմեոնեի թիմը` 49 միավորով երկրորդը: Երրորդ տեղում գտնվող կատալոնական «Բարսելոնան» 45 միավոր ունի և այս տուրի խաղը դեռ չի անցկացրել:
