Ալեքսեյ Բալիբերդինը նշանակվել է «Ալաշկերտ» ֆուտբոլային ակումբի գլխավոր տնօրենի պաշտոնում, հաղորդում է ակումբի մամուլի ծառայությունը:
Նա ունի ավելի քան 10 տարվա աշխատանքային փորձ ֆուտբոլում, մասնավորապես` ակումբներում, ակադեմիաներում։ Եվրոպայի տարբեր երկրներում և Ռուսաստանում Բալիբերդինը ներգրավվածություն է ունեցել ֆուտոլային տարբեր նախագծերում։
Ավելի վաղ «Ալաշկերտ» ֆուտբոլային ակումբի փոխնախագահ էր նշանակվել Տիգրան Մկրտչյանը:
Օրեր առաջ հայտնել էինք, որ «Վիստայի» նախկին սեփականատեր Անտոն Զինգարևիչը Բագրատ Նավոյանի հետ պայմանագիր է ստորագրել` դառնալով Երևանի «Ալաշկերտի» համասեփականատեր: Նախորդ մրցաշրջանում Չարենցավանի «Վանում» սկսված նախագիծը կշարունակվի «Ալաշկերտում»։ Վահե Գևորգյանի գլխավորած մարզչական շտաբն ու մարզային ակումբի բոլոր ֆուտբոլիստները տեղափոխվել են «Ալաշկերտ»:
