Ռուսական «Վիստայի» նախկին սեփականատեր Անտոն Զինգարևիչը Բագրատ Նավոյանի հետ պայմանագիր է ստորագրել` դառնալով Երևանի «Ալաշկերտի» համասեփականատեր, հաղորդում է ակումբի մամուլի ծառայությունը:
Նրանց գործակցության նպատակն է «Ալաշկերտ» ՖԱ-ն դարձնել հզոր ու մարտունակ ակումբ։
Նախորդ մրցաշրջանում Չարենցավանի «Վանում» սկսված նախագիծը կշարունակվի «Ալաշկերտում»։ Վահե Գևորգյանի գլխավորած մարզչական շտաբն ու մարզային ակումբի բոլոր ֆուտբոլիստները կտեղափոխվեն «Ալաշկերտ»: Հունիսի 20-ից թիմը կսկսի նախապատրաստությունը նոր մրցաշրջանին։
«Ալաշկերտի» փոխնախագահի պաշտոնը կզբաղեցնի Տիգրան Մկրտչյանը։
