«Միլանի» նախկին խաղացող Զվոնիմիր Բոբանը կարծում է, որ «Ինտերը» Չեմպիոնների լիգայի կիսաեզրափակիչ դուրս գալու դեպքում լուրջ մարտահրավեր կնետի կատալոնական «Բարսելոնային», հաղորդում է Mundo Deportivo-ն:
«Եթե «Ինտերը» «Դորտմունդի» փոխարեն խաղար «Մոնջյուիկում», ապա առնվազն երեք գոլ կխփեր:
Եթե երկու թիմերն էլ դուրս գան կիսաեզրափակիչ, և «Բարսելոնան» շարունակի խաղալ այնպես, ինչպես այժմ է, «Ինտերը» կարող է շատ պահեր ստեղծել: Եթե «Բարսելոնան» շարունակի բարձր դիրքավորվել և տարածություն թողնել, մրցակիցը կարող է շատ վտանգավոր լինել»,- ասել է Բոբանը:
«Ինտերը» քառորդ եզրափակիչի առաջին խաղում հյուրընկալվելիս 2-1 հաշվով հաղթել է Մյունխենի «Բավարիային», «Բարսելոնան» տանը չորս անպատասխան գնդակ է ուղարկել Դորտմունդի «Բորուսիայի» դարպասը:
