«Ինտերի» դարպասապահ Յան Զոմերը աջ ձեռքի բութ մատի կոտրվածք է ստացել և վիրահատվել, հայտնում է ակումբի պաշտոնական կայքը։
Շվեյցարացի ֆուտբոլիստը հաջորդ շաբաթ կսկսի վերականգնողական շրջանը։ Նա տևական ժամանակով կբացակայի խաղադաշտից: Ապաքինման հստակ ժամկետ չի նշվում։
36-ամյա դարպասապահը սոցցանցերում լուսանկար է հրապարել և գրել. «Շնորհակալ եմ բոլորին աջակցության և ապաքինման ցանկությունների համար։ Այժմ ամբողջությամբ կենտրոնացած եմ վերականգնման վրա և անհամբեր սպասում եմ, թե երբ եմ վերադառնալու խաղադաշտ»։
Զոմերն ընթացիկ մրցաշրջանում 35 խաղից 19-ում դարպասն անառիկ է պահել։
