Աշխարհի 5-րդ ռակետ, Գերմանիան ներկայացնող ռուս թենիսիստ Ալեքսանդր Զվերևը վնասվածքի պատճառով չի մասնակցի Դևիսի գավաթի խաղարկությանը:
«Դևիսի գավաթին մասնակցելն իմ հայրենի քաղաքում՝ Համբուրգում, իմ մեծ նպատակն էր: Բայց հիմա այդ երազանքը փշրվել է, և դա ինձ շատ հիասթափեցնում է:
Ես նոր վնասվածք ունեմ. Ես կմնամ Համբուրգում և կաջակցեմ թիմին պահեստայինների նստարանից»,- Զվերևի խոսքը մեջբերում է Tennisnet-ը։
Զվերևին Գերմանիայի հավաքականում կփոխարինի Յանիկ Հանֆմանը։
Հիշեցնենք, որ Դևիսի գավաթի խաղարկության խմբային փուլը կանցկացվի սեպտեմբերի 14-18-ը: Գերմանացիները C խմբում կմրցեն Ֆրանսիայի, Ավստրալիայի և Բելգիայի թիմերի հետ: