«Ռեալի» նախկին գլխավոր մարզիչ Զինեդին Զիդանը պատրաստ է գլխավորել «Մարսելը», բայց միայն մեկ պայմանով:
Ինչպես տեղեկացնում է France Bleu-ն, ֆրանսիացի մասնագետը մի քանի շաբաթ առաջ բանակցություններ է վարել Սաուդյան Արաբիայի ներկայացուցիչների հետ ու խոստացել գլխավորել «Մարսելը», եթե նրանք գնեն ակումբի բաժնետոմսերը: Նշվում է, որ Սաուդյան Արաբիայի ներկայացուցիչները ցանկանում են «Մարսելը» դարձնել ֆրանսիական «Նյուքասլը» և տրանսֆերային ծախսերի համար ներդնել 300 միլիոն եվրո: Զիդանը պատրաստ է գլխավորել թիմ, որն ունի այդքան մեծ հավակնություններ:
Զիդանի նախկին թիմը «Ռեալն» էր, որից նա հեռացավ 2021-ի մայիսին:
