Մադրիդի «Ռեալի» նախկին գլխավոր մարզիչ Զինեդին Զիդանը շարունակում է մերժել խոշոր ակումբների առաջարկները: Marca-ն գրում է, որ «Արքայական ակումբից» երկրորդ անգամ հեռանալուց հետո ֆրանսիացին առաջարկներ է ստացել «Բավարիայից», «Մանչեսթեր Յունայթեդից», «Յուվենտուսից», ՊՍԺ-ից ու մի քանի թոփ հավաքականներից, բայց բոլորին բացասական պատասխան է տվել:
Զիդանը նախընտրում է աշխատել «Ռեալում» կամ Ֆրանսիայի հավաքականում, բայց երկու թիմերում էլ առաջիկայում մարզչի փոփոխություն չի նախատեսվում:
Այլ ակումբների առաջարկների ժամանակ 52-ամյա մասնագետը փորձում է հասկանալ, թե դա որքանով է նորարական ու հեղափոխական նախագիծ, բայց դեռ այդպիսին չի ստացել:
Բացի այդ, նրա մարզչական հիմնական շտաբի աշխատակիցները սկսում են հետզհետե տարբեր աշխատանքների առաջարկներ ընդունել, ինչը Զիդանի վերադարձը մեծ ֆուտբոլ ավելի է հետաձգում:
