«Բարսելոնայի» հարձակվող Ժոաու Ֆելիքսը վնասվածք է ստացել, հայտնում է ակումբի պաշտոնական կայքը:
Պորտուգալացին մարզման ժամանակ վնասել է կոճը: Լրագրող Տոնի Խուանմարտիի փոխանցմամբ՝ Ֆելիքսին ապաքինման համար կպահանջվի ավելի քան մեկ ամիս: Դա նշանակում է, որ նա բաց կթողնի Չեմպիոնների լիգայի 1/8 եզրափակիչի «Նապոլիի» դեմ առաջին հանդիպումը:
Ժոաու Ֆելիքսն այս մրցաշրջանը «Բարսելոնայում» անցկացնում է վարձակալությամբ: Նրա տրանսֆերային իրավունքները պատկանում են Մադրիդի «Աթլետիկոյին»:
