Կոնֆերենցիաների լիգայի խմբային փուլի չորրորդ տուրում Fastex Հայաստանի Պրեմիեր լիգայի չեմպիոն Երևանի «Փյունիկը» Վիլնյուսում հյուրընկալվել է լիտվական «Ժալգիրիսին» ու առաջին խաղակեսից հետո պարտվում է 0-2 հաշվով:
23-րդ րոպեին հաշիվը բացել է ֆրանսիացի հարձակվող Ֆաբիեն Ուրեգան: 42-րդ րոպեին տանտերերի առավելությունը կրկնապատկել է բրազիլացի հարձակվող Ռենան Օլիվեյրան:
Խմբի մյուս խաղում Սլովակիայի չեմպիոն «Սլովանը», որի կազմում ելույթ է ունենում Հայաստանի հավաքականի վինգեր Տիգրան Բարսեղյանը, ոչ-ոքի էր խաղացել շվեյցարական «Բազելի» հետ (3-3), իսկ 29-ամյա հայ ֆուտբոլիստը դարձել է գոլային փոխանցման հեղինակ:
Հիշեցնենք, որ երրորդ տուրում «Փյունիկը» Վազգեն Սարգսյանի անվան «Հանրապետական» մարզադաշտում 2-0 հաշվով տնային հաղթանակ էր տարել Լիտվայի չեմպիոնի նկատմամբ:
