«Չիկագո Բուլզի» հարձակողական ոճի պաշտպան Զաք Լավինը աջ ոտնանթաթի վիրահատության է ենթարկվելու:
Ամերկյան ակումբը հայտարարել է, որ բասկետբոլիստին ապաքինման համար կպահանջվի 4-6 ամիս: Դա նշանակում է, որ ընթացիկ մրցաշրջանում ամերիկացին այլևս մանրահատակ դուրս չի գա:
Ընթացիկ մրցաշրջանում Լավինը 25 խաղի է մասնակցել: Նրա միջին արդյունավետությունը կազմել է 19,5 միավոր, 5,2 ռեբաունդ և 3,9 ասիստ:
Զաքը համարվում էր առաջիկա տրանսֆերային դեդլայնից առաջ թրեյդի ենթարկվելու հիմնական թեկնածուներից մեկը:
