Իսպանական «Ռեալ Սոսյեդադի» կիսապաշտպան Արսեն Զախարյանն Անգլիա մուտքի արտոնագիր չի ստացել, հայտնում է Спорт-Экспресс-ը:
21-ամյա ֆուտբոլիստը փաստաթղթերի հետ կապված խնդիրներ ունի, դրա պատճառով էլ թիմի հետ չի կարողացել մեկնել Մանչեսթեր:
Բասկյան ակումբն այժմ աշխատանքներ է տանում՝ խնդիրը լուծելու համար:
Ավելի վաղ «Ռեալ Սոսյեդադի» մամուլի ծառայությունը տեղեկացրել էր, որ Զախարյանն ապաքինվել է ազդրի վնասվածքից և պատրաստ է անգլիական «Մանչեսթեր Յունայթեդի» դեմ Եվրոպա լիգայի 1/8 եզրափակիչի պատասխան խաղին (առաջին խաղը` 1-1):
Ընթացիկ մրցաշրջանում Զախարյանը «Ռեալ Սոսյեդադի» կազմում մասնակցել է չորս հանդիպման, խփել մեկ գոլ և կատարել նույնքան ասիստ:
