Թուրինի «Յուվենտուսն» Իտալիայի առաջնությունն ավարտեց հաղթանակով:

Ա սերիայի վերջին՝ 38-րդ տուրում, «Յուվենտուսը» տանը 2-0 հաշվով առավելության հասավ «Մոնցայի» նկատմամբ: Գոլի հեղինակ դարձան բրազիլացի պաշտպան Ալեքս Սանդրոն և իտալացի հարձակվող Ֆեդերիկո Կիեզան:

«Յուվենտուսը» 71 միավորով բարձրացավ երրորդ տեղ և այս դիրքում էլ կմնա: Թուրինյան գրանդը հաջորդ մրցաշրջանում հանդես կգա Չեմպիոնների լիգայում: «Մոնցան» 45 միավորով 12-րդն է և այս դիրքում էլ կմնա:

Իտալիայի Ա սերիա, 38-րդ տուր

«Յուվենտուս» - «Մոնցա»՝ 2-0 

Ֆեդերիկո Կիեզա, 26, Ալեքս Սանդրո, 28

Հեռացում՝ Ալեսիո Զերբին, 90 («Մոնցա»)