Թուրինի «Յուվենտուսը» կարող է պաշտոնանկ անել թիմի գլխավոր մարզիչ Տիագո Մոտային, հայտնում է Tuttosport-ը:
Եթե «Բիանկոներին» հաջողության չհասնի «Ֆիորենտինայի» դեմ Ա Սերիայի 29-րդ տուրի խաղում, ապա ակումբի ղեկավարությունը, ամենայն հավանականությամբ, կհեռացնի Մոտային գլխավոր մարզչի պաշտոնից:
Այդ իրավիճակում գլխավոր մարզչի պարտականությունները կկատարի երիտասարդական թիմի մարզիչ Ֆրանչեսկո Մանյանելին, որը ժամանակին ընդգրկված է եղել Մասիմիլիանո Ալեգրիի շտաբում:
«Յուվենտուսի» կարճ ցուցակում են հայտնվել Չավին, Անտոնիո Կոնտեն, Իգոր Տուդորը, բայց ամենամեծ շանսերն ունի գլխավոր թեկնածու համարվող Ռոբերտո Մանչինին:
Ա Սերիայի 28 տուրից հետո «Յուվենտուսը» վաստակել է 52 միավոր և եզրափակում է լավագույն քառյակը:
