Թուրինի «Յուվենտուսը» ծրագրում է նոր հարձակվող գնել ամռանը: Tuttosport-ի տեղեկություններով, «Ծեր սինյորան» հետաքրքրված է ուկրաինական «Շախտյորի» հարձակվող Դանիլ Սիկանի ծառայություններով:

Իտալական ակումբի ներկայացուցիչները ներկա են գտնվելու մարտի 21-ին կայանալիք Ուկրաինայի և Բոսնիա-Հերցեգովինայի հավաքականների միջև հանդիպմանը:

Սիկանը «Շախտյորի» կազմում ընթացիկ մրցաշրջանում մասնակցել է 29 հանդիպման, խփել է 8 գոլ և կատարել 4 գոլային փոխանցում: