«Լիվերպուլի» գլխավոր մարզիչ Յուրգեն Կլոպը պաշտոնապես հայտարարել է, որ ընթացիկ մրցաշրջանի ավարտից հետո հեռանալու է անգլիական ակումբից։
Գերմանացի մասնագետը տեսաուղերձում նշել է, որ ուժասպառ է եղել և ունի հանգստի կարիք։ Կլոպի հետ «Լիվերպուլից» կհեռանան նաև նրա մարզչական շտաբի անդամները։
Հիշեցնենք, որ Կլոպը «Լիվերպուլի» գլխավոր մարզիչ է նշանակվել 2015 թվականի հոկտեմբերի 8-ին։ Նրա գլխավորությամբ մերսիսայդցիները հաղթել են Չեմպիոնների լիգան, Պրեմյեր լիգան, աշխարհի ակումբային առաջնությունը, Անգլիայի գավաթը, Անգլիայի լիգայի գավաթը, ՈՒԵՖԱ-ի Սուպերգավաթը և Անգլիայի Սուպերգավաթը։ Մարզչական կարիերայի ընթացքում գերմանացին գլխավորել է նաև «Մայնցը» և Դորտմունդի «Բորուսիան»։
