Գերմանիայի ազգային հավաքականը գլխավորող Յուլիան Նագելսմանը դարձավ ֆուտբոլի Եվրոպայի առաջնությունների պատմության ամենաերիտասարդ մարզիչը, հայտնում է Opta վիճակագրական ռեսուրսը:
Շոտլանդիայի հավաքականի դեմ Եվրո-2024-ի բացման խաղում գերմանացի մասնագետը 36 տարեկան 327 օրական է:
Մյունխենի «Բավարիայի» նախկին մարզիչը գերազանցել է Սրեշկո Կատանեցի ռեկորդը, որը Եվրո-2000-ում Սլովենիայի հավաքականի գլխավոր մարզիչն էր 36 տարեկան 333 օրականում։
Գերմանիայի հավաքականը Մյունխենի «Ալյանց արենա» ստադիոնում 2-0 հաշվով հաղթում է Շոտլանդիային, ընթանում է առաջին խաղակեսը:
Հիշեցնենք, որ Գերմանիայի և Շոտլանդիայի հավաքականները Շվեյցարիայի և Հունգարիայի թիմերի հետ ընդգրկված են A խմբում:
