Ռուսաստանի Ուֆա քաղաքում օգոստոսի 16-22-ը կկայանա ըմբշամարտի պատանիների աշխարհի առաջնությունը: Հայտնի է Հայաստանի հավաքականի կազմն ազատ ոճում: Կայացել է նաև վիճակահանությունը, ու հայտնի են մեր ըմբիշների մրցակիցները:
Հայաստանի հավաքականի կազմն ազատ ոճում՝
Մանվել Խնձրցյան(57կգ), Լևիկ Միքայելյան(61կգ), Դավիթ Մարգարյան(65կգ), Նարեկ Հարությունյան(70կգ), Արմեն Մուսիկյան(74կգ), Սերգեյ Սարգսյան(92կգ), Լյովա Գևորգյան(125կգ):
Մանվել Խնձրցյանը պայքարը կսկսի որակավորման փուլից՝ մրցելով բելառուս Կիրիլ Պրակոպաուի հետ, Լևիկ Միքայելյանը կմեկնարկի 1/8 եզրափակիչից՝ մրցելով Տաջիկստանի ներկայացուցիչ Խայրուլո Կուլուլովի հետ, Դավիթ Մարգարյանը նույնպես կմեկնարկի 1/8 եզրափակիչից՝ մրցելով Ղրղզստանի ներկայացուցիչ Օրոզոբեկ Տոկտոմամբետովի հետ:
Նարեկ Հարությունյանը 1/8 եզրափակիչում կպայքարի սերբ Վիկտոր Վոյնովիչի հետ, Արմեն Մուսիկյանը պայքարը կսկսի որակավորման փուլից՝ ուժերը չափելով մոնղոլ Շուլդխու Օլոնբայարի հետ:
92 կգ քաշային Սերգեյ Սարգսյանը պայքարի մեջ կմտնի 1/8 եզրափակիչից՝ մրցելով մոնղոլ Բայարբաթար Ներգույբաթարի հետ, իսկ 125 կգ քաշային Լյովա Գևորգյանը որակավորման փուլում կմրցի Հունգարիայի ներկայացուցիչ Շաբա Ուբորնյակի հետ:
