Սլովակիայի մայրաքաղաք Բրատիսլավայում ավարտվում է հունահռոմեական ոճի ըմբշամարտի Եվրոպայի առաջնությունը:
Սամվել Գրիգորյանը (82 կգ) սփոփիչ գոտեմարտում 4-3 հաշվով հաղթեց UWW-ի դրոշի ներքո հանդես եկող Իսլամ Իսմայիլովիչ Ալիևին և երեկոյան կպայքարի բրոնզե մեդալի համար:
Գրիգորյանը բրոնզը կվիճարկի վրացի Գելա Բոլխվաձեի հետ:
Երեկոյան բրոնզե մեդալի համար կգոտեմարտի նաև Օլիմպիական խաղերի ոսկե, կրկնակի արծաթե, բրոնզե մեդալակիր, աշխարհի քառակի և Եվրոպայի 7-ակի չեմպիոն Արթուր Ալեքսանյանը: 33-ամյա ըմբիշի մրցակիցը կլինի հունգարացի Ալեքս Շոկը:
Մեդալային գոտեմարտերը դիտեք ժամը 19:00-ից «Ֆասթ Սպորտ» հեռուստաալիքի ուղիղ եթերում:
