Հրաչյա Պողոսյանը (60 կգ) Հայաստանի հավաքականի համար երկրորդ մեդալը նվաճեց Զագրեբում ավարտվող հունահռոմեական ոճի ըմբշամարտի աշխարհի առաջնությունում:
Հայ ըմբիշը նվաճեց բրոնզե մեդալ: Պողոսյանը բրոնզե եզրափակիչում մրցեց Սերբիան ներկայացնող Գեորգի Տիբիլովի դեմ և գրանցեց 1-1 հաշվով: Առաջինը միավոր վաստակելու շնորհիվ Պողոսյանը հաղթեց Եվրոպայի փոխչեմպիոնին:
Հիշեցնենք, որ նախօրեին Փարիզի 2024 թվականի Օլիմպիական խաղերի բրոնզե մեդալակիր, Եվրոպայի քառակի չեմպիոն Մալխաս Ամոյանը (77 կգ) դարձել էր աշխարհի կրկնակի չեմպիոն:
«Ֆասթ Սպորտ» հեռուստաալիքները («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ցուցադրում են ըմբշամարտի աշխարհի առաջնությունը` սկսած կիսաեզրափակիչի գոտեմարտերից: Բոլոր քաշային կարգերի կիսաեզրափակիչի և մեդալային գոտեմարտերը ցուցադրվում են նաև Fast TV հավելվածում (iOS, Android):
