Արման Անդրեասյանը (70կգ) դուրս է եկել Զագրեբում մեկնարկած ազատ ոճի ըմբշամարտի աշխարհի առաջնության կիսաեզրափակիչ։
Քառորդ եզրափակիչում 2024թ. Եվրոպայի չեմպիոնը 8-6 հաշվով հաղթեց ադրբեջանցի Կենան Հայբատովին։
Գոտեմարտի ընթացքում հայ ըմբիշը պարտվում էր 3-6 հաշվով, սակայն կարողացավ քամբեք անել` տանելով տպավորիչ հաղթանակ։
Անդրեասյանը եզրափակիչի ուղեգիրը կվիճարկի ճապոնացի Յասինոսուկե Աոյագիի հետ։
«Ֆասթ Սպորտ» հեռուստաալիքները («Ֆասթ Սպորտ», «Ֆասթ Սպորտ 1», «Ֆասթ Սպորտ 2») կցուցադրեն ըմբշամարտի աշխարհի առաջնությունը` սկսած կիսաեզրափակիչի գոտեմարտերից: Բոլոր քաշային կարգերի կիսաեզրափակիչի և մեդալային գոտեմարտերը կցուցադրվեն նաև Fast TV հավելվածում (iOS, Android):
