Խառը մենամարտերի Մարտական ազգային լիգայի (NFL) նախագահ Գիլանի Կալիմատովը հայտնել է, որ կարող է մենամարտ կազմակերպել ըմբշամարտի կրկնակի օլիմպիական չեմպիոն, ռուսաստանցի Աբդուլռաշիդ Սադուլաևի մասնակցությամբ։
«Դեկտեմբերի 21-ին մեր մրցաշարի հյուրն է Աբդուլռաշիդ Սադուլաևը։ NFL 2 մրցաշարով մենք ցույց կտանք, որ ըմբշամարտը և MMA-ը շատ ընդհանրություններ ունեն: Բացի Աբդուլռաշիդից, մրցաշարին ներկա կլինեն նաև այլ լեգենդար մարզիկներ, որոնց անունները կհայտարարենք առաջիկա օրերին։
Ինչ վերաբերվում է Սադուլաևին, ապա վստահ եմ, որ մենք կարող ենք հետաքրքիր մենամարտ կազմակերպել նրա համար։ Ըմբշամարտի աշխարհում մենք Աբդուլռաշիդի մասնակցությամբ մի քանի դիմակայության կգտնենք, որոնք հետաքրքիր կլինեն»,- Կալիմատովի խոսքը մեջբերում է ТАСС լրատվական գործակալությունը:
NFL 2 մրցաշարը կկայանա դեկտեմբերի 21-ին Ինգուշեթիայում։
Հիշեցնենք, որ ազատ ոճի ըմբշամարտում հանդես եկող 28-ամյա դաղստանցին նաև աշխարհի 6-ակի, Եվրոպայի քառակի չեմպիոն է, Եվրոպական խաղերի կրկնակի հաղթող և աշխարհի գավաթակիր:
