Ռուսաստանի Ուֆա քաղաքում շարունակվում է հունահռոմեական ոճի ըմբշամարտի աշխարհի երիտասարդական առաջնությունը:
Կիսաեզրափակիչ են դուրս եկել Հայաստանի ներկայացուցիչներ Շանթ Խաչատրյանն(72կգ) ու Կարեն Խաչատրյանը(82կգ):
Շանթը եզրափակիչի ուղեգրի համար կպայքարի վրացի Գիորգի Չխիկվաձեի հետ, իսկ Կարենը՝ հնդիկ Ռավի Մալիկի հետ:
Քառորդ եզրափակիչում Շանթ Խաչատրյանը 5-2 հաշվով պարտության է մատնել գերմանացի մրցակցին, ընդ որում՝ գրեթե ամբողջ գոտեմարտի ընթացքում հայ ըմբիշն արնահոսել է: Կարեն Խաչատրյանը քառորդ եզրափակիչում 8-1 հաշվով հաղթել է վրացի Սաբա Մամալաձեին:
