Աշխարհի 76-րդ ռակետ Էլինա Ավանեսյանը շարունակում է հաջող ելույթը Յասիի WTA-250 շարքի մրցաշարում։

Ռումինիայում ընթացող մրցաշարի քառորդ եզրափակիչում հայ թենիսիստուհին 7-5, 6-4 հաշվով հաղթեց ռումինացի Ժակլին Կրիստիանին (61-րդ ռակետ)։ Մրցախաղը տևեց 2 ժամ 7 րոպե։

FIRST career WTA250 semifinal for Elina Avanesyan!

Survives a 2h5m battle against home favourite Jaqueline Cristian, overcoming some late nerves to prevail 7-5, 6-4 to reach the last four at the Iasi Open. pic.twitter.com/sdStfwEODM

— WTARussians (@WTArussians) July 25, 2024

21-ամյա Ավանեսյանը կարիերայում առաջին անգամ դուրս եկավ WTA-250 շարքի մրցաշարի կիսաեզրափակիչ, իսկ եզրափակիչի ուղեգիրը կվիճարկի ֆրանսիացի Հլոե Պակեի հետ։ Նախորդ երկու մրցախաղում հայ մարզուհին հաղթել էր խորվաթ Պետրա Մարտիչին (99-րդ ռակետ) ու իսպանացի Լեյրե Ռոմերո-Գորմազին (173-րդ ռակետ)։

Հիշեցնենք, որ Էլինա Ավանեսյանը նախորդ շաբաթ մասնակցել էր Հունգարիայի մայրաքաղաք Բուդապեշտում կայացած ATP-250 շարքի մրցաշարին, որտեղ երկու հաղթանակ տանելուց հետո քառորդ եզրափակիչում պարտվել էր սլովակ Աննա Կարոլինա Շմիդլովային։