«Ատլանտա Հոուքսի» խաղարկող Թրեյ Յանգը կարծիք է հայտնել բասկետբոլում ֆիզիկական տվյալների մասին:
«Նախկինում տանել չէի կարողանում խաղացողների, որոնց ուժեղ կողմը միայն նրանց հասակն էր: Նրանք մանրահատակ էին դուրս գալիս ու պարզապես օգտվում այդ առավելությունից:
Եթե ես 2 մետրից բարձր հասակ ունենայի, կդառնայի պատմության լավագույն խաղացողը: Այդպես եմ ասում, որովհետև գիտեմ իմ մտածելակերպը, խաղի որակը և բասկետբոլի նրբությունները»,- MILLION DOLLAZ WORTH OF GAME-ի եթերում ասել է ամերիկացին:
25-ամյա բասկետբոլիստը NBA-ում անցկացրած 6 տարում միջինում մեկ խաղում վաստակում է 25,5 միավոր, տիրում 3,6 անդրադարձի ու կատարում 9,5 ասիստ:
