«Բարսելոնայի» վինգեր Լամին Յամալը ճանաչվել է Իսպանիայի Լա լիգայի՝ նոյեմբերի լավագույն ֆուտբոլիստ, հայտնում է առաջնության պաշտոնական կայքը։
18-ամյա ֆուտբոլիստը նախորդ ամիս 5 խաղում 3-ական գոլ ու ասիստ էր գրանցել։
Յամալը քվեարկության արդյունքում առաջ է անցել Կիլիան Մբապեից («Ռեալ Մադրիդ»), Անտուան Գրիզմանից («Աթլետիկո Մադրիդ»), Միկել Օյարսաբալից («Ռեալ Սոսյեդադ») և Ժերար Մարենոյից («Վիլյառեալ»)։
Լա լիգայի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
