Կատալոնական «Բարսելոնայի» կիսապաշտպան Լամին Յամալը խոսել է թիմի գլխավոր մարզիչ Չավի Էռնանդեսի մասին:

«Պարտական եմ Չավիին ինձ հիմնական կազմ բերելու համար: Հենց նրա շնորհիվ եմ նորամուտս նշել հիմնական թիմում: Հենց նա է ինձ տեղ տվել մեկնարկային կազմում: Չավին վստահություն է հաղորդում երիտասարդ ֆուտբոլիստներին»,- 16-ամյա ֆուտբոլիստի խոսքը մեջբերում է Marca-ն։

Լամին Յամալը «Բարսելոնայի» սան է: Ընթացիկ մրցաշրջանում վինգերը 37 հանդիպման է մասնակցել, դարձել է 6 գոլի և 7 գոլային փոխանցման հեղինակ: