Կատալոնական «Բարսելոնայի» գլխավոր մարզիչ Չավին մեկնաբանել է Բիլբաոյի «Աթլետիկի» նկատմամբ տնային հաղթանակը (4-0) Իսպանիայի առաջնության 11-րդ տուրում։
«Մենք ակնկալում էինք, որ խաղը կլինի արագ և ինտենսիվ, որ մրցակիցը կսեղմի, ուստի լրացուցիչ խաղացող ուղարկեցինք կիսապաշտպանություն և այդպիսով առավելություն ապահովեցինք դաշտի կենտրոնում:
Դեմբելե՞ն։ Նա լավն էր, վճռեց հանդիպման ելքը։ Թիմն ամեն ինչ ճիշտ հասկացավ և առաջին խաղակեսում գրեթե հանեց հաղթողի վերաբերյալ հարցը:
Մեր խաղացողներն ինձ շատ բարդ խնդիր են առաջադրել, բայց սա մեր ներուժն է՝ բոլորն էլ լավ են գործում, և մրցակցությունը ողջունելի է»,- Չավիի խոսքը մեջբերում է Marca-ն։
Հիշեցնենք, որ «Բարսելոնան» 28 միավորով երկրորդն է Լա լիգայում, երեք միավոր է զիջում գործող չեմպիոն և առաջատար Մադրիդի «Ռեալին»:
