«Բարսելոնայի» գլխավոր մարզիչ Չավին ամփոփել է Իսպանիայի գավաթի խաղարկության 1/8 եզրափակիչի՝ «Ատլետիկի» հետ հանդիպումը (2:3):
«Մեզ հաղթեցին ինտենսիվության արդյունքում։ Մեզ մնացին Լա լիգան և Եվրոպա լիգան։ Հարկավոր է վերականգնվել այս հարվածից: Դժվար կլինի մարսել, բայց պետք է մտածել կիրակնօրյա խաղի մասին:
Չեմ կարծում, թե Դեմբելեի իրավիճակն ազդել է մեզ վրա. ակումբի գործն է, ուրիշ ոչինչ:
Վաղը կիմանանք Ֆատիի վնասվածքի լրջությունը ։ Ընդհանուր առմամբ, տուժել է ամբողջ թիմը»,- Չավիի խոսքը մեջբերում է ակումբի մամուլի ծառայությունը:
Անդրադառնալով Ժորդի Ալբայի՝ ձեռքով խաղի դրվագին՝ Չավին խուսափել է գնահատական տալ մրցավարի աշխատանքի վերաբերյալ:
