«Չելսիի» հարձակվող Տիմո Վերները գնահատել է երկրպագուների աջակցությունը։
«Երբեմն ես նույնիսկ չեմ հասկանում, թե ինչու եմ այդքան մեծ աջակցություն ստանում, քանի որ որպես հարձակվող՝ ցանկանում ես որքան հնարավոր է շատ գոլեր խփել, բայց երբեմն ես բաց եմ թողնում լավ շանսերը՝ անկեղծ ասած:
Հիանալի է խաղալ «Չելսիի» երկրպագուների առջև, և երբ նրանք քեզ նման աջակցություն են ցուցաբերում, դու միայն ուժեղանում ես հնարավորությունները չօգտագործելուց կամ դժվար ժամանակներ ապրելուց հետո:
Մյուս կողմից՝ ես փորձում եմ ամեն խաղում տալ ամեն ինչ, ամեն անգամ 100%-ով տալ, որպեսզի երկրպագուներն ու թիմն ուրախ լինեն խաղի վերջում։
Դժվար է բացատրել, բայց երբ խաղադաշտ ես դուրս գալիս, և երկրպագուները քեզ հավանում են, նրանք աջակցում են քեզ, վանկարկում քո անունը, մթնոլորտն ավելի լավն է դառնում, և դու այդ պահին հպարտանում ես քեզնով։
Ես սա ասում եմ, քանի որ գիտեմ, թե ինչ է նշանակում խաղալ մարզադաշտերում, որտեղ երկրպագուները քեզ չեն սիրում և ատում են քեզ, ուստի հիանալի է զգալ այնպես, ինչպես հիմա ես եմ զգում»,- Վերների խոսքը մեջբերում է լոնդոնյան ակումբի մամուլի ծառայությունը:
