Մյունխենի «Բավարիան» առաջիկա օրերին բանակցություններ կսկսի իսպանական «Վալենսիայի» վրացի դարպասապահ Գեորգի Մամարդաշվիլիի հետ:

Լրագրող և ինսայդեր Ֆաբրիցիո Ռոմանոյի հաղորդմամբ՝ 22-ամյա ֆուտբոլիստը հետաքրքրված է կարիերան գերմանական ակումբում շարունակելու տարբերակով:

Մամարդաշվիլիի պայմանագիրը «Վալենսիայի» հետ նախատեսված է մինչև 2027 թվականի հունիսի 30-ը: 2022/23 մրցաշրջանում նա իսպանական ակումբի կազմում մասնակցել է 42 խաղի, բաց թողել 49 գոլ: Transfermarkt-ը 25 միլիոն եվրո է գնահատում նրա տրանսֆերային արժեքը: