Fastex Հայաստանի Պրեմիեր լիգայի առաջատար Երևանի «Ուրարտուն» ԱՄԷ-ի մայրաքաղաք Աբու-Դաբիում ընթացող մարզումային հավաքի հերթական ստուգողական խաղում մրցել է Ռուսաստանի չեմպիոն Սանկտ Պետերբուրգի «Զենիթի» հետ ու պարտվել 0-1 հաշվով: Խաղի միակ գոլը 59-րդ րոպեին խփել է ռուս կիսապաշտպան Ալեքսեյ Սուտորմինը:

Նախորդ ընկերական խաղում երևանյան ակումբը 0-1 հաշվով պարտվել էր Մոսկվայի «Լոկոմոտիվին»:

Հիշեցնենք, որ Fastex Հայաստանի Պրեմիեր լիգայի 20-րդ տուրից հետո «Ուրարտուն» 47 միավորով առաջատարն է։