Հայկական ակումբները շարունակում են ուսումնամարզական հավաքների միջոցով պատրաստվել առաջնության գարնանային հատվածին:

Հայաստանի գործող չեմպիոն և գավաթակիր «Ուրարտուն» ԱՄԷ-ում անցկացրեց վերջին ընկերական հանդիպումը՝ 1-2 հաշվով պարտվելով Մոսկվայի «Լոկոմոտիվին», որի կազմում է խաղում Հայաստանի ազգային հավաքականի պաշտպան Նաիր Թիկնիզյանը: Ակումբները չեն հայտնել գոլի հեղինակների անունները:

«Նոան» էլ Կատարում ընթացող ուսումնամարզական հավաքի հերթական ընկերական խաղում 1-1 հաշիվը գրանցեց կատարական «Ալ Մարխիայի» հետ: 

Ընկերական հանդիպումներ

«Ուրարտու» (Հայաստան) - «Լոկոմոտիվ» (Ռուսաստան)՝ 1-2

«Նոա» (Հայաստան) - «Ալ Մարխիա» (Կատար)՝ 1-1

Ֆոտո՝ «Ուրարտուի» մամուլի ծառայություն