Բեռլինի «Ունիոնը» և թիմի գլխավոր մարզիչ Ուրս Ֆիշերը փոխադարձ համաձայնությամբ խզել են պայմանագիրը, հաղորդում է գերմանական ակումբի կայքը:
Համատեղ որոշումը կայացվել է ակումբի նախագահի ու Ֆիշերի միջև նոյեմբերի 13-ին կայացած հանդիպումից հետո:
57-ամյա շվեյցարացի մասնագետը գերմանական ակումբը գլխավորում էր 2018 թվականից: Նրա գլխավորությամբ «Ունիոնն» անցկացրել է 224 խաղ, տարել է 95 հաղթանակ, կրել 71 պարտություն, 58 խաղ ավարտել է ոչ-ոքի արդյունքով:
«Ունիոնը», որը նախորդ մրցաշրջանի արդյունքներով մասնակցում է Չեմպիոնների լիգային, Բունդեսլիգայի ընթացիկ մրցաշրջանում 11 տուրից հետո 6 միավորով եզրափակում է աղյուսակը:
