Ռումինիայի ֆուտբոլի ֆեդերացիան հայտարարել է, որ «Ունիվերսիտատեա Կրայովան» կուտակած հսկայական պարտքերի պատճառով զրկվել է 94 միավորից:

Այս թիմն ավելի վաղ չէր ստացել Ռումինիայի երկրորդ լիգայում հանդես գալու իրավունք, ստիպված նոր մրցաշրջանը կանցկացնի երրորդ լիգայում: Ի դեպ, արդեն պարզ է` «Ունիվերսիտատեա Կրայովան» կզբաղեցնի վերջին տեղը, որովհետև երրորդ լիգայում մրցաշրջանի ընթացքում խաղարկվելու է 81 միավոր:

ՌՖՖ-ն պարտավորեցրել է «Կրայովային» մինչև սեպտեմբերի 3-ը մարել բոլոր պարտքերը, հակառակ դեպքում ակումբը կհեռացվի ֆեդերացիայի հովանու ներքո անցկացվող բոլոր մրցաշարերից։