«Բավարիայի» նախկին ֆուտբոլիստ ու նախագահ Ուլի Հյոնեսը ցանկանում է Մյունխենում տեսնել Լևերկուզենի «Բայերի» կիսապաշտպան Ֆլորիան Վիրցին:
«Կցանկանայի, որ Ֆլորիան Վիրցը խաղար «Բավարիայում»: Դա երազանք է ինձ համար: Նա հրաշալի ֆուտբոլիստ է, որը լավ կհամագործակցի Ջամալ Մուսիալայի հետ»,- Հյոնեսի խոսքն է մեջբերում bavarianfootballworks.com-ը:
Վիրցը «Բայերի» սան է: Նախորդ մրցաշրջանում նա թիմի կազմում դարձավ Գերմանիայի չեմպիոն ու գավաթակիր: Վիրցը նաև ճանաչվեց Բունդեսլիգայի լավագույն ֆուտբոլիստ: