Ուկրաինան կբոյկոտի բոլոր այն մրցաշարերը, որոնց կմասնակցեն Ռուսաստանի և Բելառուսի մարզիկները։ Այդ մասին հայտարարել է Ուկրաինայի նախարարների սենյակի ղեկավար Օլեգ Նեմչանինովը, հաղորդում է Suspilne.media-ն։

Խոսքը նաև վերաբերում է Փարիզ-2024 Օլիմպիական խաղերի որակավորման մրցաշարերին։ Ուկրաինայի սպորտի և երիտասարդության նախարարն ու երկրի Օլիմպիական կոմիտեի նախագահ Վադիմ Գուտցայտը ներկայացրել են որոշման արձանագրությունը, որն ընդունվել է Ուկրաինայի կառավարության կողմից։

Հիշեցնենք, որ Միջազգային օլիմպիական կոմիտեն դեռ վերջնական որոշում չի կայացրել ռուս և բելառուս մարզիկների՝ միջազգային մրցումներին մասնակցելու առնչությամբ։