ՈւԵՖԱ-ի կարգապահական կոմիտեն պայմանական որակազրկել է Անգլիայի հավաքականի կիսապաշտպան Ջուդ Բելինգեմին, հայտնում է կազմակերպության մամուլի ծառայությունը:

21-ամյա ֆուտբոլիստը կտուգանվի 30 հազար եվրոյով, իսկ որակազրկումը պայմանական բնույթ է կրում և ուժի մեջ կմտնի, եթե միջադեպը կրկնվի մեկ տարվա ընթացքում:

Հիշեցնենք, որ Բելինգեմը Սլովակիայի հետ Եվրո-2024-ի 1/8 եզրափակիչի խաղում դարձել էր գոլի հեղինակ և հաջողությունը տոնելու ժամանակ անվայել ժեստ էր ցույց տվել: