ՈւԵՖԱ-ի նախագահ Ալեքսանդր Չեֆերինն անդրադարձել է ֆուտբոլային օրացույցի վերաբերյալ դժգոհություններին:
«Պետք է խոստովանենք, որ խաղային օրացույցը հասել է իր սահմանագծին։ Միևնույն ժամանակ, դրա ազդեցությունը շատ տարբեր է ակումբների և խաղացողների միջև: Ոմանք գերբեռնված են, բայց մյուսներն ունեն պահեստային հզորություն:
Ես մնում եմ երկու ամիս առաջ ասածիս՝ լրացուցիչ հանդիպումների տեղ չկա։ Բայց հավելեմ՝ խաղային օրացույցից բողոքում են նրանք, ովքեր բարձր աշխատավարձ են ստանում, և այն թիմերը, որոնք ունեն 25 բարձր մակարդակի խաղացողներ։ Ավելի ցածր աշխատավարձ ունեցող ֆուտբոլիստներն ու հազիվ 11 խաղացող ունեցող ակումբները չեն դժգոհում։ Նրանք սիրում են խաղալ»,- Չեֆերինի խոսքը մեջբերում է BBC-ն:
Հիշեցնենք, որ վերջին շրջանում եվրոպական գրանդ ակումբների ֆուտբոլիստները հաճախ են բարձրաձայնում գերծանրաբեռնված խաղային օրացույցի պատճառով հնարավոր գործադուլի մասին:
