Goal.com-ը թարմացրել է «Ոսկե գնդակ-2023» մրցանակի հաղթողի հավակնորդների լավագույն քսանյակը Կատարում ավարտված ֆուտբոլի աշխարհի առաջնությունից հետո:
Տարվա լավագույն ֆուտբոլիստ ճանաչվելու գլխավոր հավակնորդը աշխարհի նորընծա չեմպիոն, մրցանակի յոթակի դափնեկիր, Արգենտինայի հավաքականի ավագ Լիոնել Մեսին է: Ֆրանսիական ՊՍԺ-ի 35-ամյա հարձակվողին հաջորդում է նրա ակումբակից, Ֆրանսիայի հավաքականի ռմբարկու Կիլիան Մբապեն: Լավագույն եռյակը եզրափակում է Անգլիայի չեմպիոն «Մանչեսթեր Սիթիի» և Նորվեգիայի հավաքականի հարձակվող Էրլինգ Հոլանդը:
«Ոսկե գնդակ-2023»-ի հաղթողի հավակնորդները՝ ըստ Goal.com-ի
- 1. Լիոնել Մեսի (ՊՍԺ, Արգենտինա)
- 2. Կիլիան Մբապե (ՊՍԺ, Ֆրանսիա)
- 3. Էրլինգ Հոլանդ («Մանչեսթեր Սիթի», Նորվեգիա)
- 4. Նեյմար (ՊՍԺ, Բրազիլիա)
- 5. Ռոբերտ Լևանդովսկի («Բարսելոնա», Լեհաստան)
- 6. Վինիսիուս («Ռեալ», Բրազիլիա)
- 7. Կևին դե Բրույնե («Մանչեսթեր Սիթի», Բելգիա)
- 8. Խուլիան Ալվարես («Մանչեսթեր Սիթի», Արգենտինա)
- 9.Մոհամեդ Սալահ («Լիվերպուլ», Եգիպտոս)
- 10. Խվիչա Կվարացխելիա («Նապոլի», Վրաստան)
- 11. Բուկայո Սակա («Արսենալ», Անգլիա)
- 12. Ջամալ Մուսիալա («Բավարիա», Գերմանիա)
- 13. Ջուդ Բելինգեմ («Բորուսիա Դորտմունդ» Անգլիա)
- 14. Էնցո Ֆերնանդես («Բենֆիկա», Արգենտինա)
- 15. Կոդի Գակպո (ՊՍՎ, Նիդերլանդներ)
- 16. Անտուան Գրիզման («Աթլետիկո», Ֆրանսիա)
- 17. Լուկա Մոդրիչ («Ռեալ», Խորվաթիա)
- 18. Հարի Քեյն («Տոտենհեմ», Անգլիա)
- 19. Աշրաֆ Հակիմի (ՊՍԺ, Մարոկկո)
- 20. Էմիլիանո Մարտինես («Ասթոն Վիլա», Արգենտինա)
Հիշեցնենք, որ «Ոսկե գնդակի» գործող դափնեկիրը Մադրիդի «Ռեալի» հարձակվող Կարիմ Բենզեման է, որը դեկտեմեբրի 19-ին հայտարարել էր Ֆրանսիայի հավաքականից հեռանալու մասին:
